Bugungi kunda texnologiyaning tez rivojlanishi, o'quv jarayonida yangi usullarni qo'llashni taqozo etmoqda. Virtual laboratoriya mashg'ulotlari ilmiy-texnik sohada yuqori natijalarga erishishda katta ahamiyatga ega. Bu metod orqali talabalar, o'qituvchilar va tadqiqotchilar simulyatsiya va interaktiv mashqlar yordamida ilmiy tajribalarni amalga oshirishi mumkin. Virtual laboratoriyalar ilmiy tajribalarni o'z vaqtida, xavfsiz va samarali o'tkazishga imkon yaratadi, shuningdek, ular masofaviy ta'lim tizimida o'qishni yanada qulaylashtiradi.

Virtual laboratoriyalarni qo'llash, o'qitish samaradorligini oshirishga, o'quv jarayonining moslashuvchanligini ta'minlashga va resurslarni tejashga yordam beradi. Shu bilan birga, ular murakkab tajribalarning virtual versiyalarini yaratish orqali real laboratoriyalarni qurishdagi moliyaviy va vaqt resurslarini qisqartirishga xizmat qiladi. Ularning istiqbolli rivojlanishi, yangi texnologiyalar va interaktiv platformalar yordamida bilim olish jarayonini yanada samarali va qulay qilishga imkon beradi.

Kimyoni o‘qitishda virtual laboratoriyalarni tashkil etish, takomillashtirish, o‘qitishda virtual laboratoriyalardan foydalanish yuqori samara beradi. Virtual laboratoriyada bajarish mumkin bo‘lgan tajribalar huddi kimyo laboratoriya mashg‘ulotlari xonasida bajargandek ko‘rinishni taminlaydi.