OLIMNING OLAMCHA OBROʻSI

Abstrak

Bu ulkan zamin, bu foniy dunyo necha-necha insonlarni bagʻriga olib, ularga faqat yaxshilikdan, birovni qoʻllab-quvvatlashdan, umri davomida savob amallarni bajarib, ikki dunyo saodatiga erishishdan iborat buyuk ezguliklarni ravo koʻrib kelmoqda. Buning natijasida kurrai zaminimizda oʻz hayotlarini yaxshilik urugʻini sochishga baxshida qilgan minglab, millionlab insonlar yashab oʻtdilarki, ular hayotining mazmuni jamiyatga, jamoatga va butun olamiyotga yaxshilik qilishdan iborat boʻlgan. Biz qalamga olmoqchi boʻlgan inson ham ana shunday ezgulik yoʻlida yashab, ezgulikning roʻyobi yoʻlini oʻzining yashash tarziga aylantirib olgan insonlardan edi.