USTOZNI ESLAB

Abstrak

Kechagina yonimizda yurgan yaqin odamimiz, ustozimiz xaqida oʻtgan zamonda gapirish juda ogʻir ekan. Shu ma’noda Andijon davlat universitetining zabardast olimlaridan biri mehribon ustozimiz Joʻraqulov Gʻayrat Ne’matovich xaqida oʻylaganimda yuqoridagi kechirma doimo vujudimni oʻrab olganday tuyiladi. Domla chin ma’noda haqiqiy olim va inson edi. Ayniqsa barchalarga yaxshilik sogʻinishi meni doimo astoydil maftun etib kelgan va shu insonga shogird boʻlishimning birinchi omili boʻlgan. Ayniqsa, domlaning dilkashligi, odamoxunligi koʻpchilik bilan doʻstlik rishtalarini mustaxkam bogʻlanishiga sabab boʻlgan fazilatlardan biri edi. Jamoamizdagi koʻplab professor-oʻqituvchilar Gʻayrat Ne’matovich deyishganda har qanday sharoitda ham doʻst boʻlishga qodir, yuragi toza, mehr-muhabbatli hamkasbini tasavvur etib kelishgan. Darhaqiqat, biz bugun xotirlayotgan domlamiz Gʻayrat Joʻraqulov ana shunday ezgulik yoʻlida yashab, yaxshilikning roʻyobi yoʻlini oʻzining yashash tarziga aylantira olgan dilbar insonlardan edi.