INSON HISSIYOTLARINING GISTOLOGIK AKSLARI

Abstrak

Hissiyotlar ko’rinadi deb o’ylaysizmi? Yo’q. Lekin ifoda etilishi mumkin. Hissiyotlar odatda ko’zlar orqali, ovoz ohangida va tana harakatlarida namoyon bo’ladi. Lekin bundan ham ko’proq – hissiyotlar inson tanasida iz qoldiradi. Faqat bu izni na oddiy ko’z va na termometr ko’ra oladi.

Hissiyotlar ko’rinmaydi. Ularni na tortib o’lchab bo’ladi, na yurak tovushini eshitgan holda to’liq anglab bo’ladi. Ammo shunday holatlar borki, inson boshidan kechirgan stress, xavotir yoki ichki siqilish tanada, aniqrog’i hujayra darajasida o’z izini qoldiradi. To’g’ri, bu izni oddiy ko’z bilan ko’rib bo’lmaydi, biroq mikroskop ostida bu kurash o’zini yaqqol namoyon qilishi mumkin.

Gistologiya bizga inson organizmini faqat tuzilish emas, balki holat orqali ham tushunish imkonini beradi. Har bir emotsional zarba – adrenalin, kortizol, vegetativ javoblar orqali tananing turli to’qimalarida aks etadi. Ayniqsa, epiteliy, biriktiruvchi, nerv va muskul to’qimalarida bu ta’sirlar mikroskopik o’zgarishlar shaklida kuzatiladi. Ushbu maqolada biz shuni ko’rsatmoqchimiz: hissiyotlar – bu mavhum tushunchadir. Ular ko’rinmaydi, lekin organizm buni hatto gistologik darajada ham tushunishi mumkin.