O‘QUV MASHG‘ULOT GURUHI FUTBOLCHILARINI JISMONIY TAYYORGARLIK DARAJASINI OSHIRISH USULLARI

Abstrak

Mazkur maqolada o‘quv mashg‘ulot guruhi futbolchilarining jismoniy tayyorgarlik darajasini oshirish bo‘yicha samarali usullar tahlil etilgan. Futbol o‘zida yuqori darajadagi texnik, taktik, psixologik va ayniqsa, jismoniy tayyorgarlikni talab etuvchi sport turi bo‘lib, sportchilarning musobaqaviy faoliyatida yuqori natijalar ko‘rsatishida aynan jismoniy holatning roli beqiyosdir. Shu sababli mashg‘ulot jarayonlarini ilmiy asoslangan, bosqichma-bosqich va individual yondashuv asosida tashkil etish futbolchilarning umumiy salohiyatini oshiradi. Tadqiqotda zamonaviy jismoniy tayyorgarlik metodlari, yuklama nazorati, tiklanish jarayonlari va sportchilar harakat faoliyatining tahliliga asoslangan yondashuvlar o‘rganildi. O‘quv mashg‘ulot jarayonida kuch, chidamlilik, tezlik, koordinatsiya va moslashuvchanlikni rivojlantirishga yo‘naltirilgan mashqlar tizimi sinovdan o‘tkazildi. Tadqiqot natijalari shuni ko‘rsatdiki, murakkab jismoniy tayyorgarlik dasturlarining individuallashtirilgan qo‘llanilishi sportchilarning funksional holatiga ijobiy ta’sir ko‘rsatadi va ularning sport natijalarini oshirishga xizmat qiladi. Maqolada ilgari surilgan metodologik yondashuvlar amaliy mashg‘ulot tizimiga tatbiq etilishi mumkin.