PROBIOTIK QO‘SHIMCHALARNING ORGANIZMNING IMMUNOLOGIK KO‘RSATKICHLARIGA TA’SIR QILUVCHI VOSITA SIFATIDAGI IMKONIYATLARI

Abstrak

ushbu maqolada probiotik qo‘shimchalarning organizmning immunologik
ko‘rsatkichlariga ta’sir qiluvchi vosita sifatidagi imkoniyatlari tadqiq etilgan. Oziq-ovqatning
energetik qiymati pastligi va tarkibida oqsil miqdorining kamligi, ratsionda mikroelementlar va
vitaminlar, ayniqsa, A, C, E, D, β-karotin, essentsial mikroelementlar (rux, temir, selen, yod),
yarim to`yinmagan yog` kislotalari, shuningdek odamning madorini quritadigan kasalliklar va
antibiotikoterapiya yoki boshqa ekopatologik omillar tugayli yuzaga keladigan ichak disbakteriozi
immunitet funktsiyasining buzilishiga sabab bo`lmoqda (Тkachenko Е.I., 2006).
Immunomodulyatorlar – immunitetning zarur funktsiyalarini (infektsiyalarga qarshi va shishga
qarshi himoya) rag`batlantiruvchi va nojo`ya ta’sirga ega funktsiyalariga (allergiya va autoimmun
reaktsiyalar) to`sqinlik qiluvchi vositalar hisoblanadi. Mikrobiotsenozni korrektsiyalashda
immunitetni tabiiy modulyatsiyalash amalga oshadi, sog`lom odamlar ratsioniga
immunonutriyentlarning qo`shilishi ushbu ta`sirni kuchaytiradi va kompleks shakldagi vositalar
(probiotiklar va immunonutriyentlar jamlanmasi) mavsumiy infektsion kasalliklarning oldidni
olishda istiqbolli yo`l hisoblanadi. Immunonutriyentlarga almashinmaydigan mikroelementlar,
vitaminlar, yarim to`yinmagan yog` kislotalari va probiotiklar kiradi va ular immunitet uchun
javobgar hujayralarning yetilishi va butun immun tizimining normal ishlashiga yordam beradi
(Тutelyan V.А., 2002).