QANDLI DIABET KECHISHIDA JIGARNING DETOKSIKATSION FAOLLIGINING METABOLIK MAHSULOTLARGA TA’SIRI.

Abstrak

Ushbu ilmiy tadqiqotda alloksan yordamida diabet modeli yaratilib,
jigarning mikrosomal monooksigenaza tizimi fenotipining azotli metabolizmga ta’siri chuqur
tahlil qilingan. Kreatinin va mochevina darajalari, diurez ko‘rsatkichlari orqali kalamushlarning
tez, o‘rta va sekin metabollovchi guruhlari o‘rtasidagi farqlar o‘rganilgan. Tadqiqot natijalari shuni
ko‘rsatdiki, tez metabollovchilarda azotli metabolitlarning keskin ortishi jigar va buyraklarning
detoksikatsion yuklamasi ortganligidan dalolat beradi. Sekin metabollovchilarda esa bu
o‘zgarishlar nisbatan barqaror bo‘lib, metabolik holatning yaxshiroq saqlanayotganini ko‘rsatadi.
Ushbu topilmalar jigar mikrosomal tizimining fenotipik farqlari azotli chiqindilar metabolizmi va
umumiy gomeostazda muhim rol o‘ynashini tasdiqlaydi.