ADABIYOTNING SHAXS TARBIYASI VA MA’NAVIYATINING YUKSALISHIDAGI O‘RNI (Adabiyot va badiiy asarlarning tarbiyaviy ahamiyati misolida)

Abstrak

Ushbu maqolada bugungi zamonning dolzarb masala sanalgan o‘smirlar tarbiyasida adabiyotning roli va jamiyatimizda adabiyotning o‘rnini mustahkamlash, yoshlarga ta’lim-tarbiya berish jarayonida samaradorligini oshirish hamda bu sohani rivojlantirish uchun amalga oshirilayotgan islohotlar va ularning natijalari borasida so‘z yuritilgan. Adabiyot va tilga qaratilgan e’tibor jamiyatning ijtimoiylashuv davriga yana bir karra muvaffaqiyatli hissa qo‘shadi. Adabiyot olami chegara bilmay, betakrorlik va ko‘p qirralikni o‘zida mujassam etgan ulug‘vor bir qudrat sanaladi. Uning quroli sanalmish–so‘z esa ana shu qudratning manbaidir. Yoshlarga badiiyat orqali ta’sir etish ularning kelajakda yetuk va komil inson bo‘lib yetishishiga zamin yaratadi. Zero, “Badiiy mahorat – yozuvchining badiiy talanti o‘lchovidir” (Ch.Aytmatov) [2.39]. Bu qobiliyat bilan yozuvchi kitobxonga hayotni anglatadi. Adabiyot insonni tarbiyalaydi. Shunday qilib, bu sohalarni yanada taraqqiy etishi va ommalashishi uchun, kelgusi avlodni vatanparvarlik rauhida o‘stirish uchun bir qancha davlat dasturlari ishlab chiqilib davlat tomonidan qo‘llab-quvvatlanadi.