TALABALARDA MILLIY MADANIYATGA NISBATAN QADRIYATLI MUNOSABATNI SHAKLLANTIRISHNING INNOVATSION PEDAGOGIK TEXNOLOGIYALARI

Abstrak

     Ushbu ilmiy ishda talabalarda milliy madaniyatga nisbatan qadriyatli munosabatni shakllantirish jarayonida innovatsion pedagogik texnologiyalarning o‘rni va ahamiyati yoritiladi. Milliy o‘zlikni anglash, tarixiy merosni qadrlash, an’ana va urf-odatlarga hurmat bilan yondashish yoshlarning ma’naviy kamolotida muhim omil sifatida qaraladi. Shu nuqtai nazardan, zamonaviy ta’lim jarayonida interfaol usullar, raqamli ta’lim vositalari, loyiha asosida o‘qitish, media ta’lim, STEAM yondashuvi va kreativ muhit yaratishga asoslangan texnologiyalar talabalarda milliy madaniy qadriyatlarni o‘zlashtirishda samaradorlikni oshirishi asoslab beriladi. Tadqiqot davomida talabalarning madaniy identifikatsiyasini rivojlantirishda ta’lim motivatsiyasi, kompetensiyaviy yondashuv, jamoaviy faoliyat, madaniy loyihalar va amaliy mashg‘ulotlarning ta’siri ko‘rib chiqildi. Shuningdek, innovatsion metodlar orqali o‘quvchilarda mustaqil fikrlash, madaniy merosni tahlil qilish, uni zamonaviy hayot bilan uyg‘unlashtirish ko‘nikmalarini shakllantirishning samarali yo‘llari taklif etiladi. Ishda ta’lim jarayonini milliy qadriyatlar asosida boyitishning tashkiliy-pedagogik shartlari, pedagogning kommunikativ mahorati va ijodiy yondashuvi ham alohida tahlil qilingan.