MUVAFFAQIYATLI TALABA PORTRETI: SANOGEN TAFAKKURNI RIVOJLANTIRISHNING PSIXOLOGIK OMILLARI VA PEDAGOGIK YECHIMLAR

Abstrak

Ushbu maqolada zamonaviy oliy ta'lim tizimidagi eng dolzarb muammolardan biri  muvaffaqiyatli talaba modelini shakllantirishda sanogen (sog‘lomlashtiruvchi, konstruktiv) tafakkurning o‘rni va ahamiyati ilmiy-nazariy hamda amaliy jihatdan tadqiq etilgan. XXI asr ta'lim paradigmasida muvaffaqiyatli talaba portreti faqatgina yuqori akademik ko‘rsatkichlar (GPA) yoki fundamental intellektual salohiyat bilan emas, balki shaxsning krizisli va stressli vaziyatlarda o‘z-o‘zini boshqara olishi, hissiy barqarorligi, moslashuvchanligi hamda ichki psixologik uyg‘unligi bilan belgilanadi. Tadqiqotning amaliy qimmatini belgilovchi qismida ushbu tafakkur tarzini oliy ta'lim muassasalari muhitida rivojlantirishning maqsadli pedagogik yechimlari taklif etiladi. Bular qatoriga o‘quv darsliklariga psixologik-kognitiv treninglarni integratsiya qilish, talabalarni xatosiz o'rganishga undaydigan xavfsiz (supportive) ta’lim muhitini yaratish, professor-o‘qituvchilar tomonidan konstruktiv teskari aloqa (feedback) berish madaniyatini shakllantirish, shuningdek, muammoli vaziyatlarni yechishga qaratilgan interaktiv o‘qitish metodlarini joriy etish kiritilgan.