RGANIZMNING TERMODINAMIK PARAMETRLARI. ULARNING O‘ZGARISHI BILAN KELIB CHIQADIGAN KASALLIKLAR

Abstrak

Mazkur maqola organizmning termodinamik parametrlarini o‘rganish, ularning fiziologik va patologik holatlardagi ahamiyatini tahlil qilish maqsad qilingan. Organizmning xar bir hujayrasi energiya almashinuvi, issiqlik hosil bo‘lishi va tarqalishi kabi murakkab termodinamik jarayonlarni boshqarish orqali o‘z faoliyatini amalga oshiradi. Ushbu jarayonlarning muvozanati buzilganda, turli kasalliklar va patologik holatlar rivojlanishi mumkin. Termodinamik parametrlar jumladan, harorat, entropiya, entalpiya va energiyaning saqlanish qonuni , organizmning fiziologik va biokimyoviy jarayonlarini tahlil qilishda muhim ahamiyatga ega. Ularning normal muvozanati buzilishi gomeostazning buzilishiga, bu esa kasalliklar rivojlanishiga olib keladi. Masalan, gipertermiya va gipotermiya kabi holatlar organizm uchun o‘ta xavfli bo‘lib, ular zamirida termodinamik izdan chiqishi yotadi. Bu maqola orqali issiqlik hosil bo‘lishi va almashinuvi, energiyaning biologik tizimlarda saqlanishi, shuningdek, bu jarayonlarning buzilishidan kelib chiqadigan kasalliklar va ularning oldini olish yo‘li batafsil yoritilgan.