NOGIRONLIGI BO‘LGAN MAKTAB YOSHIGACHA BO‘LGAN BOLALALARDA, SUZISH MASHG‘ULOTLARINI ORGANIZIMGA TA’SIRI.

Abstrak

Ushbu maqolada nogironligi bo‘lgan maktab yoshigacha bo‘lgan bolalarda suzish mashg‘ulotlarining organizmga ta’siri tahlil qilinadi. Suzish jismoniy faollikning samarali shakllaridan biri bo‘lib, u bolalarning harakat faoliyatini yaxshilash, mushak va suyak tizimini mustahkamlash, nafas olish va yurak-qon tomir tizimi faoliyatini rivojlantirishga xizmat qiladi. Shuningdek, suv muhitida mashg‘ulotlar bolalarning psixo-emotsional holatini yaxshilash, ijtimoiy moslashuvini oshirish va stress darajasini kamaytirishda muhim rol o‘ynaydi. Tadqiqotlar shuni ko‘rsatadiki, suzish nogironligi bo‘lgan bolalarning motorik qobiliyatlarini rivojlantirishga ijobiy ta’sir ko‘rsatib, ularning hayot sifatini oshirishga yordam beradi. Ushbu maqolada mavzu bo‘yicha ilmiy nazariyalar va amaliy tadqiqot natijalari asosida suzish mashg‘ulotlarining nogironligi bo‘lgan bolalar organizmiga bo‘lgan ta’siri yoritiladi.